Eugen Cakolli, ka reaguar lidhur me zhvillimet në vend, një pas dënimit të ish-krerëve të UÇK’së, duke shtruar pyetjen se ‘‘si do të dukej jeta jonë sot sikur, para gati tridhjetë vjetësh, njerëzit që e themeluan UÇK-në ta kishin zgjedhë secili rrugën më të sigurt për veten dhe familjet e tyre?’’.
Tutje, Cakolli shton se, kur liria zgjat mjaftueshëm, fillon me të u dukë si gjendje natyrore. Harrohet sa e largët ka qenë veç një gjeneratë më herët dhe sa e pabesueshme mund t’u jetë dukë njerëzve ideja se një ushtri e vogël, e nisur prej njerëzve me shumë pak përballë një shteti shumë më të fuqishëm, mund ta çonte Kosovën deri te pika ku jemi sot.
‘’ Para se kjo liri të bëhej rutinë e jona, dikush është dashtë me e marrë seriozisht, me besu në të dhe me luftu për të atëherë kur ende dukej pothuajse e pamundur’’, ka shkruar ai mes tjerash.
