Protesta “Jo në emrin tim” po vazhdon sonte për të tetën natë me radhë në Sheshin “Skënderbeu” në Prishtinë, raporton Ekonomia Online.
Tubimi ka nisur në orët e mbrëmjes, ndërsa protestuesit po vazhdojnë të shprehin qëndrimet e tyre në mbështetje të ish-krerëve të Ushtrisë Çlirimtare të Kosovës dhe kundër vendimit të Dhomave të Specializuara në Hagë.
Organizatorët kanë bërë të ditur se protesta do të vijojë me kërkesat e tyre për drejtësi dhe me kundërshtimin ndaj vendimit të fundit të Dhomave të Specializuara lidhur me ish-krerët e UÇK-së.
Protesta “Jo në emrin tim” është mbajtur për disa net radhazi në kryeqytet, ndërsa qytetarët pjesëmarrës kanë shprehur qëndrimet e tyre lidhur me proceset gjyqësore ndaj ish-krerëve të UÇK-së në Hagë.
Tubimi po zhvillohet në Sheshin “Skënderbeu”, ku protestuesit po kërkojnë që çështja e ish-krerëve të UÇK-së të trajtohet edhe në nivel institucional.
