Në faqen zyrtare të Dhomave të Specializuara të Kosovës janë vendosur të dhëna të detajuara për rrjedhën e procesit të gjykimit për Hashim Thaçin, Kadri Veselin, Jakup Krasniqin e Rexhep Selimin.
Sipas evidencës së Speciales, të gjitha ankesat e bëra në Gjykatën Supreme dhe Gjykatën Kushtetuese të Dhomave të Specializuara nga ekipet mbrojtëse të Hashim Thaçit, Kadri Veselit e Jakup Krasniqit janë refuzuar.
Rastet e publikuara në faqen e Dhomave të Specializaura të cilat janë refuzuar:
Kërkesa e parë e Kadri Veselit për mbrojtjen e ligjshmërisë para Gjykatës Supreme
29/06/2022
Kadri Veseli paraqiti kërkesë për mbrojtjen e ligjshmërisë, në përputhje me nenin 48(6)–(8) të Ligjit dhe rregullën 193 të Rregullores, lidhur me një vendim të Panelit të Gjykatës së Apelit, me të cilin ishte lënë në fuqi vendimi i Gjyqtarit të Procedurës Paraprake për vazhdimin e paraburgimit të tij.
15/08/2022
Gjykata Supreme e hodhi poshtë kërkesën në tërësi, duke konstatuar se nuk kishte shkelje thelbësore të procedurës dhe duke shpallur disa nga argumentet të papranueshme.
Kërkesa e dytë e Kadri Veselit për mbrojtjen e ligjshmërisë para Gjykatës Supreme
12/11/2025
Kadri Veseli paraqiti kërkesë për mbrojtjen e ligjshmërisë, në përputhje me nenin 48(6)–(8) të Ligjit dhe rregullën 193 të Rregullores, lidhur me një vendim të Panelit të Gjykatës së Apelit, me të cilin ishte lënë në fuqi vendimi i Panelit të Gjykimit që refuzonte kërkesën e tij për lirim të përkohshëm.
19/12/2025
Gjykata Supreme e hodhi poshtë kërkesën në tërësi, duke konstatuar se nuk kishte shkelje thelbësore të procedurës dhe duke shpallur disa nga argumentet të papranueshme.
Kërkesa e Jakup Krasniqit për mbrojtjen e ligjshmërisë para Gjykatës Supreme
12/11/2025
Jakup Krasniqi paraqiti kërkesë për mbrojtjen e ligjshmërisë, në përputhje me nenin 48(6)–(8) të Ligjit dhe rregullën 193 të Rregullores, lidhur me një vendim të Panelit të Gjykatës së Apelit, me të cilin ishte lënë në fuqi vendimi i Panelit të Gjykimit që refuzonte kërkesën e tij për lirim të përkohshëm.
30/12/2025
Gjykata Supreme e hodhi poshtë kërkesën në tërësi, duke konstatuar se bazat e paraqitura nga Mbrojtja ishin të papranueshme ose tejkalonin kompetencën e saj gjyqësore, siç përcaktohet në rregullën 193.
Referimet e Krasniqit dhe Veselit në Dhomën e Specializuar të Gjykatës Kushtetuese
Numrat e rasteve: KSC-CC-2022-13 dhe KSC-CC-2022-14
28/02/2022
Krasniqi dhe Veseli paraqitën referime në përputhje me nenin 49(3) të Ligjit, duke pretenduar disa shkelje të të drejtave të tyre themelore në lidhje me procedurat penale kundër tyre para Dhomave të Specializuara të Kosovës (DHSK).
13/06/2022
Dhoma e Specializuar e Gjykatës Kushtetuese i shpalli referimet të papranueshme, duke konstatuar se ato nuk tregonin ndonjë shfaqje të shkeljes së të drejtave kushtetuese të të akuzuarve.
Referimi i parë i Thaçit në Dhomën e Specializuar të Gjykatës Kushtetuese
Numri i rastit: KSC-CC-2022-15
28/02/2022
Thaçi paraqiti referim në përputhje me nenin 49(3) të Ligjit, duke pretenduar disa shkelje të të drejtave të tij themelore në lidhje me procedurat penale kundër tij para Dhomave të Specializuara të Kosovës.
13/06/2022
Dhoma e Specializuar e Gjykatës Kushtetuese e shpalli referimin të papranueshëm, duke konstatuar se ai nuk tregonte ndonjë shfaqje të shkeljes së të drejtave kushtetuese të të akuzuarit.
Referimi i dytë i Thaçit në Dhomën e Specializuar të Gjykatës Kushtetuese
Numri i rastit: KSC-CC-2024-25
26/08/2024
Thaçi paraqiti referim në përputhje me nenin 49(3) të Ligjit, duke pretenduar disa shkelje të të drejtave të tij themelore lidhur me regjimin e masave të posaçme hetimore të vendosura nga Gjyqtari i Vetëm gjatë kohës së paraburgimit të tij.
15/11/2024
Dhoma e Specializuar e Gjykatës Kushtetuese e shpalli referimin të papranueshëm, duke konstatuar se ai nuk tregonte ndonjë shfaqje të shkeljes së të drejtave kushtetuese të të akuzuarit.
