Gazetari Lirim Mehmetaj ka reaguar lidhur me qëndrimet e Partisë Demokratike të Kosovës për Ligjin për Gjykatën Speciale, duke thënë se në këtë parti po e kuptojnë se ligji mund të jetë antikushtetues.
“Më mirë vonë se kurrë”, ka shkruar Mehmetaj, duke shprehur shpresën se ende ka kohë për të përmirësuar ligjin, në mënyrë që të mos zhvleftësohet tërësisht.
Mehmetaj ka kërkuar gjithashtu nga PDK-ja një kërkimfalje për atë që e cilëson si sulm të organizuar ndaj tij, për disa ditë me radhë, kur, sipas tij, janë përdorur profile të rreme për ta kundërshtuar qëndrimin e tij lidhur me këtë çështje.
Ai ka theksuar se qëndrimet e tij i kishte shprehur nga shqetësimi për pasojat që mund të kishte ligji.
Në reagimin e tij, Mehmetaj i ka kërkuar PDK-së që të japë llogari para qytetarëve për arsyet pse e kishte përshpejtuar miratimin e ligjit.
Sipas tij, ligji ishte ngutur në mënyrë që t’i konvenonte kryeministrit Albin Kurti, në kuadër të çështjes së presidentes dhe vazhdimit të qeverisjes së Lëvizjes Vetëvendosje, të cilën ai e cilëson si të keqe dhe kriminale.
Në fund, Mehmetaj ka ritheksuar se është më mirë që shqetësimet për ligjin të pranohen edhe me vonesë, duke lënë të hapur mundësinë që ende të ndërmerren hapa për përmirësimin e tij./Veriu.info/
Postimi i plotë:
