Është arrestuar një person i dyshuar në fshatin Kçiq të Mitrovicës pasiqë në shtëpinë e tij janë gjetur substanca narkotike e llojit kokainë, trasnmeton Gazeta Online Veriu.info.
Rasti ka ndodhur dje rreth orës 19:40, ku gjatë kontrollit policor janë sekuestruar substancë e dyshuar narkotike e llojit kokainë me peshë rreth 4.3 gramë, një peshore digjitale, një telefon mobil, qese të zbrazëta që shërbejnë për mbështjelljen e narkotikëve si dhe 25 euro para të gatshme që dyshohet se janë përfituar nga shitja e narkotikëve.
“Fshati Kçiq, Mitrovicë Jugu 19.10.2026, 19:40. Është arrestuar i dyshuari mashkull kosovar, pasi që gjatë kontrollit në shtëpinë e tij dhe objekteve përcjellëse janë gjetur dhe janë sekuestruar substancë e dyshuar narkotike e llojit kokainë me peshë rreth 4.3 gramë, një peshore digjitale, një telefon mobil, qese të zbrazëta që shërbejnë për mbështjelljen e narkotikëve si dhe 25 euro para të gatshme që dyshohet se janë përfituar nga shitja e narkotikëve. Pas intervistimit, me vendim të prokurorit, i dyshuari është dërguar në mbajtje”, thuhet në raportin policor.
