Real Madridi është skuadra që ka përfituar më së shumti penallti në historinë e kampionatit spanjoll, duke lënë pas rivalët Barcelona dhe Atletico Madrid.
Sipas statistikave të publikuara nga “Mundo Deportivo”, madrilenët kanë fituar gjithsej 601 penallti në historinë e La Ligës.
Barcelona renditet e dyta me 520, ndërsa Atletico Madridi ka përfituar 498 penallti.
Kjo statistikë është rikthyer në vëmendje pas penalltisë së akorduar në favor të Real Madridit në ndeshjen ndaj Racing Santanderit, të cilën madrilenët e fituan 3:0.
Vendimi për ndërhyrjen ndaj Kylian Mbappes shkaktoi shumë polemika, pasi sipas mediumit katalanas penalltia nuk duhej të akordohej.
Edhe në shekullin XXI, Real Madridi kryeson këtë klasifikim me 235 penallti të fituara. Barcelona është në vendin e dytë me 204, ndërsa Athletic Bilbao renditet e treta me 171.
Këto shifra vijnë në një periudhë kur klubi madrilen ka ngritur vazhdimisht akuza për vendimet e gjyqtarëve në kampionatin spanjoll. /Gazeta Express
