Pa frikë mund të themi që situata në “Big Brother Vip Kosova” është nxehur shumë. Përveç dashurive dhe flirteve të para kanë nisur edhe debatet midis banorëve.
I fundit ishte ai midis Stresit dhe Lugatit, ku ky i fundit u shpreh: “Kam një moshë, jam një person familjar dhe nuk dua të bie në këtë nivel kaq të ulët, dua të dal nga shtëpia”.
Por si thonë sa më e fortë një zënkë aq më i ëmbël është pajtimi. Pas këtij sherri mbrëmjen e djeshme Stresi ka kërkuar të flejë me Lugatin. Ai ka shkuar tek shtrati i tij ku nuk kanë munguar edhe puthjet dhe përqafimet midis djemëve
Stresi më herët ka ftuar në një takim Gresën, vetëm për vetëm, ku mes të tjerash i tha që qëllimi i tij i vetëm është që të ribashkohet me Keisin.
“Misioni im në “Big Brother”…. Mua s’ma ndjen për çmimin e parë. Unë kam ardhur këtu që të qetësohem si ti, sepse vij edhe unë nga një ndarje. Të dy kemi prindër, prindërit e tu e kuptojnë që ti je friendly, që shkon mirë me mua. Unë po luftoj realisht që të ribashkohem me ish të fejuarën time. Edhe ti do më ndihmosh”- u shpreh Stresi.
