Edhe pse në hyrjen e parë të Bledi Manes në “Big Brother” u duk se mes tij dhe Deas do kishte një aleancë sepse njiheshin nga jashtë kjo nuk ndodhi.
Edhe këtë herë, pas rikthimit mes tyre nuk ka pasur paqe. Përkundrazi, sot mes tyre ka plasur një debat shumë i ashpër.
Gazetari ka akuzuar blogeren se ka arritur deri në këtë pikë të lojës në BBV, si “kërmill, duke u jargavitur dhe zvarritur”.
“Kërmill, ka ardhur deri këtu prej fatit dhe skuthlliqeve. E ke kompliment, të jesh krenare. Deri këtu ke arritur vetë, herë si kërmill, herë si tigër. Nuk po të fyej, ti më fyeve, the je i pafytyrë. Të më thuash kërmill e marr për kompliment. Them faleminderit nga ty. Më thua ke ardhur për debat, por pse kam ardhur të bie në dashuri me ty. Kur flet budallëqe është e dëmshme. Injoranca e budallëku dëmtojnë shoqërinë.”- tha Bledi.
Nga ana tjetër, këto komente të kolegut të saj nuk i kanë pëlqyer aspak Deas e cila iu është drejtuar duke i thënë “je i pafytyrë“.
“Je njeriu më i pafytyrë. Më thua kërmill, por si guxon të më thuash mua kërmill. Nuk është kompliment. Më the që jargavitesh e zvarritesh ndaj ke arritur deri këtu. Erdhe të bësh debat, të trazosh gjakrat”- ia ktheu ajo.
