Viti që lamë pas ka qenë një prej viteve më të shtrenjta për konsumatorët kosovarë. Kjo rritje e çmimeve po vazhdon edhe në ditët e para të këtij viti.
Agjencia e Statistikave të Kosovës, (ASK), ka rifreskuar tabelen ku vërehet një rritje e çmimeve në vend.
Siç tregon tabela, çmimi i kilogramit të mishit të gjedhit pa eshtra është rritur në 9 euro e 70 centë, nga 9 euro e 66 centë sa ishte në muajin dhjetor.
Në anën tjetër, edhe çmimi i jogurit është rritur për 4 centë, pra nga 1 euro e 36 centë në 1 euro e 40 centë. Çmimi i Ajkë Schmand ëshë rritur në 1 euro e 70 centë, nga 1 euro e 65 centë sa ishte në dhjetor.
Kilogrami i patateve të reja është bërë 80 centë nga 66 sa ishte më herët.
Edhe sheqeri ka përjtuar një rritje. Nga 5 euro e 63 centë sa ishte kilogrami, është rritur në 5 euro e 80 centë.
Përveç këtyre produkteve, rritje ka pasur edhe tek çmimi i kafës. Aktluaisht çmimi i kafës është 6 euro e 50 centë, nga 6 euro e 31 centë sa ishte në fundvitin e 2022.
Edhe çmimi i çajit është rritur për 4 centë.
Përveç këtyre produkteve, rritje përjetoj edhe çmimi i ujit, ku nga 36 centë është rritur në 40 centë.
Mirëpo kjo e rritje e çmimeve ka ndodhur përkundër paralajmërimit të BQK-së të cilët parashikuan ulje të çmimeve në vend.
Guvernatori i BQK-së, Fehmi Mehmeti ka thënë se gjatë këtij viti pritet që të ketë rënie të çmimeve për 6 për qind.
“Shkallë e lartë e inflacionit është shënuar gjatë vitit 2022 në Kosovë, për shkak të krizës globale që ka shkaktuar pas pandemisë lufta në Ukrainë. Por në vitin 2023 po pritet që të ketë një ulje të çmimeve në vend rreth 6%.” – tha guvernatori i BQK-së, Fehmi Mehmeti.
Kujtojmë se rritja e çmimeve ka varfëruar shumë qytetarët gjatë vitit 2022, ndërsa masat e ndërmarra nga Qeveria janë parë gjerësisht si të pamjaftueshme.
Mehmeti thotë se në bazë të parashikimeve del se kjo rënie e çmimeve pritet të ndodh “sidomos në gjashtëmujorin e dytë të vitit”.
Ndryshe, Agjencisë së Statistikave të Kosovës, norma vjetore e inflacionit e muajit nëntor 2022 në raport me nëntorin e 2021-s ishte 11.6 për qind.
