Kryeparlamentari Glauk Konjufca ka thënë se janë dy skenare për krijimin e qeverisë së ardhshme.
Sipas tij, njëri skenar është një qeveri deri në zgjedhjen e presidentit, ose është skenari i dytë, sipas stij, një qeveri që është aftë të zgjedh edhe presidentin.
“Mendoj që një qeveri e ardhshme e Kosovës kur krijohet janë dy skenare krejt, e kemi një vi të demarkacionit të saktë mes këtyre dy skenareve. Ose është skenari i një qeverie të shkurtër, e cila qeverisë deri në zgjedhjen e presidentit, ose është skenari i dytë, i krijimit të një qeverie e cila është aftë të zgjedh edhe presidentin, këto janë dy skenare të përgjithshme”.
“Cilin skenar e përqafon Lëvizja Vetëvendosje, nuk mund t’ua them këtë, sepse këtu nuk kam dalur si nënkryetar i VV-së, këtu kam dalur si kryetar i Kuvendit të Republikës së Kosovës, kjo është përgjegjësia ime, kjo është detyra ime e fundit, sa i përketë mbledhjes së legjislaturës së tetë që e patëm”, u shpreh ai.
Konjufca gjithashtu foli edhe për postin e kryeministrit, se a e lëshon Vetëvendosja atë, përcjell Klankosova.tv.
Kjo pyetje u lidh me LDK-në, e cila ka deklaruar se ka disa qëndrime dhe kushte, në mesin e tyre, LDK-ja nuk hyn në asnjë koalicion që nuk e ka postin e kryeministrit.
Konjufca në konferencë u pyet saktësisht se deri ku është e gatshme Lëvizja Vetëvendosje të negocioj, meqë u kanë bërë ftesë.
“Lëvizja Vetëvendosje është deri në atë pikë, por jo edhe atë pikë”, u shpreh tutje ai.
