Albinot Maloku komentoi takimet mes kandidatëve për kryeministër, duke theksuar se janë normale në këtë periudhë dhe të nevojshme për paszgjedhjet.
Ai tha: “Takimet mes kandidatëve duhet të konsiderohen normale, kur është e nevojshme të kemi drejtues të rinj.” Maloku shtoi se këto takime nuk duhet të mbahen larg syve të publikut, nëse janë zhvilluar siç raportohet.
Ai përmendi se Kosova ka procese të qarta për formimin e institucioneve dhe emërimin e drejtuesve të rinj. “Asnjë palë e vetme nuk mund të zgjedhë drejtuesit, dhe për këtë arsye duhet të formohen koalicione,” theksoi ai.
Maloku theksoi rëndësinë e një qeverie stabile dhe produktive për qytetarët e Kosovës dhe shtoi se subjekti me fuqinë më të madhe të votës duhet të fillojë formimin e organeve drejtuese.
Në fund, ai tha: “Qytetarët, me votën e 9 shkurtit, kanë vendosur dhe presin të qeverisen, e jo të sundohen.”
Blerim Burjani komentoi mundësitë e opozitës për të vepruar, duke vlerësuar opsionet për formimin e një qeverie opozitare apo për shkuarjen në zgjedhje të jashtëzakonshme.
Ai tha: “Me siguri se janë duke vlerësuar opsionet e tyre, nëse dëshirojnë të formojnë një qeveri opozitare apo shteti të shkojë në zgjedhje të jashtëzakonshme.”
Burjani shtoi se opozita duhet të analizojë se “çka fiton nëse formojnë qeverinë dhe çka nëse nuk e bëjnë.”
Ai ngriti pyetjen nëse opozita do t’i japë votat VV për qeverisje deri në zgjedhjen e presidentit.
Burjani përmendi tri opsione për opozitën: të bëjë një qeveri me shumicë, t’i japin votat VV për një qeveri afatshkurtër, ose të shkojë shteti në zgjedhje të jashtëzakonshme./GazetaBlic/
