Pas të sotmes, Glauk Konjufcës, mandatarit për kryeministër, i mbesin vetëm edhe dy ditë afat për të formuar qeverinë e re.
Albert Maxhuni nga NISMA Socialdemokrate, thotë se kreu i kësaj partie, Fatmir Limaj, nuk është kontaktuar nga Konjufca për të arritur marrëveshje në formimin e organit qeverisës, transmeton Klankosova.tv.
Në emisionin “Ora Shtatë”, Maxhuni tha se Nisma nuk ka pasur kontakt nga pushteti qendror, që nga takimi i fundit mes Limajt dhe kryeministrit në detyrë, Albin Kurti.
Tutje, Maxhuni deklaroi se pos Vetëvendosjes, të gjitha partitë shqiptare që ishin në takimin konsultativ me presidenten Vjosa Osmani, sipas tij, ishin të pajtimit që Kosova të shkojë në zgjedhje të parakohshme parlamentare.
“Sikur të kishte qeveri, do të kishte Qeveri Kurti 3, jo Konjufca 1”, tha ai mes tjerash për mundësitë e krijimit të një qeverie nga mandatari i ri.
