Veterani i UÇK-së, Bedri Hyseni, punëtor i kompanisë së ndërtimit “Aurora Group” ku edhe u lëndua e mori dëmtime të mëdha në kokë, ka fshirë nga Facebook-u postimin e tij ku de deklarime të rrejshme oligarkun e ndërtimit Valdet Fejzullahun.
Hyseni i cili fillimisht kishte kërkuar ndihmë për shërim, kishte pranuar në një prononcim për Veriu.info se lëndimet i kishte marrë në vendin e punës në “Aurora Group”.
I njëjti po ashtu kishte bërë ankese në Inspektorat të Punës kundër kompanisë “Aurora Group” për kompensim, dhe largim nga puna pasi kishte kërkuar kompensim për lëndimet.
Por si duket veterani mund të jetë penduar, pasi që ai ka fshirë postimin ku akuzonte portalin Veriu.info dhe mbronte Valdet Fejzullahun. Veriu.info ju sjellë më poshtë dëshminë e fshirjes së postimit me deklarime të rrejshme të veteranit të UÇK-së, Bedri Hyseni, ku mbronte oligarkun Valdet Fejzullahun, të datës 18.11.2022:
Veriu.info pas këtij shkrimi kishte sjellë dëshminë e plotë të komunikimit me protagonistin Bedri Hyseni dhe djalin e tij, ku kishin konfirmuar lëndimin në vendin e punës në “Aurora Group” dhe refuzimin për kompensim nga kompania, dëshmi të komunikimit me video dhe më mesazhe.
Po ashtu ishte vet djali i veteranit Hyseni që kishte dërguar ankesën e bërë në Inspektorat të Punës kundër “Aurora Group”.
Veriu.info kishte demantuar me fakte reagimin që tashmë Bedri Hyseni e ka fshirë.
Më poshtë ju sjellim kronologjinë e plotë të shkrimeve për veteranin Hyseni:
