Sot presidentja e vendit Vjosa Osmani doli në konferencë për medie duke ia mbajtur “zhagun” Albin Kurtit dhe VV-së, nga ku sulmoi Gjykatën Kushtetuese dhe tha se vendimet e saj dinë të jenë “absurde”.
Pas këtyre deklaratave, deputetja e AAK-së time Kadrijaj e quajti Osmanin si “patericë të Vetëvendosjes”, duke theksuar se vendimet e Gjykatës Kushtetuese janë obligative që të zbatohen.
“Asnjëherë nuk ka lëvizur prej këtyre qëndrimeve zonja Osmani, do të thotë ka qenë patericë e Lëvizjes Vetëvendosje dhe është turp ajo se çfarëpo mendon zonja Osmani me kontestu vendimet e Gjykatës Kushtetuese ndërsa ju e dini që çdo herë vendimet e Gjyjatës Kushtetuese kanë qenë obligative për zbatim dhe tash ky sulm që po i bëhet vërtetë është i pakutpimtë, me këtë formë dhe me këtë gjuhë po sulmohet organi i pavarur sic është Gjykata Kushtetuese dhe në asnjë formë dhe asnjë rrethanë nuk duhet të përdoret as nga Albin Kurti e as nga Vjosa Osmani një gjuhë e tillë ndaj vendimeve të Gjykatës Kushtetuese”, tha Kadrijaj për Periskopin.
Tutje, Kadrijaj vlerësoi se veprimet e presidentes Osmani janë “strategji” në prag të skadimit të mandatit të saj si presidente që ta marr edhe një mandat tjetër.
“Meqenëse në prill të vitit të ardhshëm i skadon mandati si presidente dhe ndoshta kjo është njëfar përfitimi që bëhet me Levizjen Vetëvendosje në mënyrë që me mujt me marr edhe një mandat si presidente, mirëpo të dalësh si një profesioniste si Vjosa Osmani, ligjëruese në fakultetin e drejtësisë të dale kundër vendimit të gjykatës Kushtetuese kjo nuk ka sens, kjo është me qëllim të rrënimit të sistemit kushtetues në Kosovë”, shtoi ajo.
