Lidhja Demokratike e Kosovës përmes një njoftimi për media ka bërë të ditur se më 1 qershor kreu i partisë, Lumir Abdixhiku, do të jetë në Gjenevë për të shënuar 34 vjetorin e themelimit të degëve I, II dhe III të LDK-së në Gjenevë.
Në njoftimin e LDK thuhet këto 34 vite janë kontribut, aktivitet e përkushtim të mërgatës së LDK-së në Zvicër.
Postimi i plotë:
34 vjet kontribut, aktivitet e përkushtim.
34 vjet Mërgata jonë në Zvicër me Lidhjen Demokratike!
Të dashur bashkatdhetarë,
Të shtunën, më 1 qershor; Mërgata e Lidhjes Demokratike të Kosovës në Gjenevë, do të organizojnë manifestim solemn për nder të 34 vjetorit të themelimit të degëve I, II dhe III të LDK-së në Gjenevë.
Në këtë manifestim solemn do të jetë prezent edhe kryetari i LDK-së, Lumir Abdixhiku.
Shihemi, të shtunën, në orën 17:00, në Gjenevë.
Mirë u takofshim, bashkatdhetarë!
