Veriu.info sot ka raportuar se Vetëvendosje e Mitrovicës është në dilemë të madhe të vendosjes për votimin e Hartës Zonale nga grupi i asamblistëve të tyre në seancën e nesërme të Kuvendit Komunal.
Hipokrizia e VV-së për (mos) miratimin e Hartës Zonale në Mitrovicë! Çka do të vendosin sonte?
Siç kemi raportuar, ky dokument strategjik për zhvillimin e Mitrovicës ka nisur të hartohet në qeverisjen e kaluar komunale, e cila asokohe udhëheqej nga Lëvizja Vetëvendosje.
Veriu.info ka siguruar vendimin e Komuna e Mitrovicës që e shpall fituese kompaninë “Instituti i Shkencës dhe i Teknologjisë INSI Sh.P.K.” për kontratën me titull “Hartimi i projekteve, planeve hapësinore PZhK dhe Hartave Zonale Komunale”.
Siç shihet në dokument, kompania “INSI” Sh.P.K. është shpërblyr me këtë kontratë më datë 08 mars 2021 dhe peshonte 199 mijë 990 euro.
Pasi që LVV kishte humbur zgjedhjet lokale në Mitrovicë në tetor të atij viti, projektin e Hartave Zonale në bazë të kësaj kontrate e kishte vazhduar qeverisja aktuale që drejtohet nga PDK, e cila nesër do ta prezantoj në Kuvend Komunal “Propozim vendim për miratimin e Hartës Zonale të Komunës së Mitrovicës së Jugut (HZK) 2024-2032”.
Për të ardhur në fazën e votimit në Kuvend Komunal, ky dokument është dashur të merr aprovimin e Ministrisë së Mjedisit, Planifikimit Hapësinor dhe Infrastrukturës, ministri kjo që udhëheqet nga Liburn Aliu i Vetëvendosjes.
Pra, edhe përkundër faktit se vet nënshkruan kontratë prej 200 mijë euro për hartimin e këtij dokumenti dhe se i njëjti mori ‘dritën e gjelbër’ nga ministria që udhëhiqet nga LVV se si dokument është në rregull në aspektin ligjor, një grup brenda LVV në Mitrovië po tenton ta zhbëj krejt punën që është bërë për 4 vite në hartimin e tij dhe rrjedhimisht të shkaktoj edhe dëm financiar, pasi që kjo kontratë ishte në vlerë prej 200 mijë euro.
Se a do të votoj nesër ‘për’ apo ‘kundër’ këtij dokumenti, LVV pritet të vendos sonte në mbledhjen që do të mbahet në ora 18:00.
Veriu.info mëson se nëse partia merr vendim që të votohet kundër, ka shumë gjasa që disa asamblistë të dalin jashtë vendimit të partisë dhe të votojnë ‘për’.
Hipokrizia e VV-së për (mos) miratimin e Hartës Zonale në Mitrovicë! Çka do të vendosin sonte?
