Deputeti i VV-së Armend Muja, ka lavdëruar qeverinë Kurti për menaxhimin e krizës ekonomike.
Sipas Mujës, Kosova ka ekonominë më të mirë në Evropë, pasi nuk kishe krizë të investimeve dhe eksportimeve të mallrave.
“Kemi pasë një performancë të shkëlqyeshme e parivalizume në rajon e as Evropë. Nuk kemi pasë krizë sa i përket investimeve. Sa i përket net eksporteve ne këtë vit do ta përfundojmë me 700 milionë të eksporteve të mallrave dhe shërbimeve. E vërtetë është që disa qytetarë e kanë përjetu rritjen e cmimeve të disa produkteve bazë dhe ne e kemi bashkën ndjerë këtë. Qeveria nuk është që s’ka marrë masa me i trajtu këto, kemi mbi 300 përfitues për skena sociale, mbi 120 mijë përfitues për lehonat dhe shtesat e fëmijëve”, ka thënë ai.
Vlen të theksohet se Kosova tash e disa muaj po përballet me rritje të çmimeve në produktet ushqimore, rryme dhe gjerave bazike për jetesë.
