Jeton Mehmeti nga Vushtrria, sipas aktakuzës së ngritur nga Prokuroria dyshohet se ka përfituar rreth dy milionë euro përmes mashtrimit të 24 qytetarëve gjatë periudhës 2021 e deri në muajin korrik të vitit 2023.
Në Gjykatën Themelore në Mitrovicë, më 25.10.2024, është mbajtur seanca e shqyrtimit fillestar kundër të pandehurit, Jeton Mehmeti, i akuzuar për veprën penale “Mashtrimi”.
Por Jeton Mehmeti ka tjetër version, ai pretendon se vet është viktimë e mashtrimit. Madje, ai sot ka ardhur në redaksinë e Veriu.info me kërkesën për t’ia dhënë mundësinë ta tregoj versionin e tij.
Kryeredaktori i Veriu.info. Gazmend Morina, ka realizuar intervistë me Jeton Mehmetin, i cili thotë se gjatë periudhës 2021 deri 2023, ka punuar për kompanitë e biznesmenëve Xhevdet Brahimi nga Maqedonia e veriut, Ekrem Lluka dhe Valon Dobroshi nga Kosova.
Mehmeti pretendon se parat e marra si avans nga biznesmenët lokal të duhanit, i ka dorëzuar në firmat ku ka punuar dhe obligim ndaj të dëmtuarve kanë firmat e tre biznesmenëve të lartē cekur.
Duke shpjeguar një rast konkrekt të marrjes së avansit, Mehmeti tregon se një biznesmen mitrovicas i kishte 600 mijë euro, ku ky thotë se çdo muaj në emër tē fitimit nga to ia ka kthy investuesit nga 60 mijë euro, raporton Veriu.info.
Mehmeti i ka dhënë redaksisë edhe video me shuma marramendëse parash, të cilat thotë se i ka marrë nga bizneset lokale në Mitrovicë e Vushtrri në emër të avansit dhe i ka dorëzuar në kompanitë Teokadero (Xhevdet Braimi), Tobakos (Agim dhe Ekrem Lluka) dhe VTD Sh.P.K. (Valon Dobroshi).
Intervista e plotë:
