Deputeti i LDK-së, Arben Gashi ka reaguar pas zbulimit të pajisjes përgjuese në veturën e gazetarit Vehbi Kajtazi.
Gashi ka thënë se ky rast është alarm i fort që trondit sigurinë fizike dhe juridike në Kosovë.
“Ky akt cenon lirinë e fjalës dhe integritetin e mediave, duke lënë të kuptohet se askush nuk është i sigurt nga ndërhyrjet e padukshme”, ka shkruar deputeti Gashi.
Ai ka thënë se Prokuroria Speciale duhet të hedhë dritë mbi këtë rast deri në fund, pa asnjë kompromis, për të rikthyer besimin e humbur te institucionet dhe për të garantuar sigurinë juridike dhe publike.
“Mediat duhet të jenë të lira të bëjnë punën e tyre pa frikë, ndërsa institucionet e pavarura duhet të tregojnë profesionalizëm dhe përgjegjësi të plotë”, ka shkruar deputeti i LDK-së.
