Sot njësitë policore bllokuan rrugën Ahmet Krasniqi pranë Ambasadës Amerikane në kryeqytet, pas pranimit të një informate për një mjet të dyshuar.
Në vendngjarje u mobilizuan edhe njësitë specializuara për menaxhimin me mjetet shpërthyese dhe deminim.
Kështu ka konfirmuar Enis Pllana zyrtar për informim për kryeqytetin.
Derisa ka rezultuar se mjeti nuk ka qenë shpërthyes.
“Sot rreth orës 12:00 kemi pranuar informatën për një mjet të dyshuar në rrugën Ahmet Krasniqi në Prishtinë. Njësitet policore kanë dalë në vendin e ngjarjes dhe pas ndërmarrjes së të gjitha veprimeve të nevojshme operative si dhe kontrollit të detajuar të hapësirës së caktuar nga ana e njësive të specializuara për menaxhimin me mjetet shpërthyese, ka rezultuar se mjeti nuk ka qenë shpërthyes”, tha Pllana për Sinjalin.
