Qeveria e Kosovës sot ka mbajtur mbledhjen e radhës, ku ka marrë disa vendime. Në mesin e një mori vendimesh, qeveria e drejtuar nga Albin Kurti ka emëruar në një pozitë me rëndësi një nga anëtarët e Lëvizjes Vetëvendosje, raporton Veriu.info.
Bëhet fjalë për Xhemajl Pllanën nga Vushtrria, i cili ishte pjesë e garës për kryetar komune dhe për deputet nga Lëvizja Vetëvendosje, më 2013 përkatësisht 2014.
Pllana është emëruar në pozitën e anëtarit të Komisionit të Ankesave për siç thotë qeveria funksionalizimin e plotë të Komisionit Qeveritar për Njohjen e Statusit të ish të Burgosurve, të Dënuarve dhe ish të Përndjekurve politik, raporton Gazeta Online Veriu.info.
Pra Kurti ka vendosur një nga anëtarët e partisë së tij në pozitën kyçe ku shqyrtohen ankesat e një procesi të ndjeshë.
Pllana kishte kandiduar për kryetar të Vushtrrisë më 2023 nga Lëvizja Vetëvendosje por kishte dalë i katërti me vetëm 11.14% të votave.
Ai kishte provuar garën politike edhe më 2014 për deputet nga kjo parti, por kishte mbetur larg në listë me vetëm 1384 vota./Veriu.info
