Blerim Isufaj, Kryeprokuror i Prokurorisë Speciale është takuar me Ambasadorin e OSBE-së, Gerard McGurk, i cili i shprehi mbështetjen ndaj prokurorisë kosovare nga Organizata për Siguri dhe Bashkëpunim në Evropë.
“Kryeprokurori z.Isufaj dhe ambasadori McGurk theksuan rëndësinë e bashkëpunimit ndërmjet institucioneve vendore dhe ndërkombëtare në funksion të avancimit të standardeve ligjore, profesionale dhe llogaridhënies”, u tha në njoftim.
Postimi i plotë:
Kryeprokurori i Prokurorisë Speciale takon ambasadorin e OSBE-së – McGurk rikonfirmon mbështetjen për Prokurorinë Speciale
Prishtinë, 14 Gusht 2025 – Kryeprokurori i Prokurorisë Speciale, z. Blerim Isufaj ka pritur të enjten në një takim pune Shefin e Misionit të OSBE-së në Kosovë, ambasadorin Gerard McGurk.
Kryeprokurori z.Isufaj dhe ambasadori McGurk theksuan rëndësinë e bashkëpunimit ndërmjet institucioneve vendore dhe ndërkombëtare në funksion të avancimit të standardeve ligjore, profesionale dhe llogaridhënies.
Gjatë takimit, u diskutua rreth sfidave aktuale me të cilat përballet sistemi i drejtësisë në Kosovë, si dhe për hapat e mëtutjeshëm drejt forcimit të sundimit të ligjit.
Ambasadori McGurk, riafirmoi mbështetjen e vazhdueshme të OSBE-së për Prokurorinë Speciale dhe shprehu gatishmërinë për të kontribuar në avancimin e mëtejshëm të bashkëpunimit.
