Ambasadorja e Kosovës në Suedi që mbulon edhe Finlandën, Islandën dhe shtetet baltike, Shkendije Geci, ka thënë se është thellësisht e pikëlluar për tragjedinë që ndodhi dje atje, ku e plagosur mbeti edhe një vajzë nga Kosova.
“Thellësisht e pikëlluar nga tragjedia në Finlandë, veçanërisht duke e ditur se një nga të plagosurit është një vajzë nga Kosova. U dërgoj dashuri, mbështjetje dhe ngushëllime të përzemërta gjithë të prekurve nga kjo ngjarje e tmerrshme. Iu gjetë forca dhe shërimi në këtë kohë të vështirë”, ka shkruar ajo në “X”.
Dje janë plagosur tre fëmijë në shkollën fillore “Viertola” në Vanta, një rrethinë e kryeqytetit Helsinki. Më pas, si pasojë e lëndimeve, njëri prej fëmijëve ka vdekur.
Reuters dje ka raportuar se si i dyshuar për rastin është arrestuar një 12 vjeçar.
Deeply saddened by the tragedy in Finland, especially knowing one of the wounded is a girl from Kosovo. Sending love, support, and heartfelt condolences to all affected by this devastating event. May strength and healing find you during this difficult time 🙏 https://t.co/V65HPdalCg
— Shkendije Geci (@Shkendije_Geci) April 3, 2024
