Talat Xhaferi është zgjedhur kryeministër i qeverisë teknike të Maqedonisë së Veriut, duke u bërë shqiptari i parë që do të mbajë këtë post në këtë shtet. Për zgjedhjen e ekzekutivit, që ka mandat prej 100 ditësh, votuan 65 deputetë, 3 ishin kundër dhe asnjë abstenim.
Në Qeveri sot është bërë pranim-dorëzimi i detyrës në mes të kryeministrit aktual Dimitar Kovaçevski dhe kryetarit të Qeverisë kalimtare Talat Xhaferi.
Përveç anës zyrtare politike, kryeministri Talat Xhaferi del të jetë person që në të kaluarën e afërt shoqërohej me persona që konsideroheshin shumë të rrezikshëm, transmeton VeriuInfo.
VeriuInfo ka gjetur se Talat Xhaferi kishte miqësi me të ndjerin Jeton Krivanjeva – Zhilla, me të cilin ka edhe fotografi në një restorant.
Jeton Krivanjeva ishte person me të kaluar të errët, pasi që konsiderohej njëri prej bosëve të grupeve kriminale më të fuqishme në Mqedoninë e veriut.
Ai ishte vrarë në mars të vitit të kaluar së bashku me shokun e tij, Enis Iseni – Llaçi, raporton VeriuInfo.
Vrasja e tyre ishte raportuar nga mediat në Maqedoninë e veriu si “Luftë për territore”.
Vrasjet e drejtuesve të grupeve mafioze të Shkupit vitin e kaluar nuk kishin përfunduar me kaq, sepse më pas ishte vrarë në Prishtinë Blerim Daci, që konsiderohej kundërshtar i Jeton Krivanjevës.
Pas Dacit, në Greqi ishte ekzekutusr në mënyrë mafioze Orhan Bajrami – Oki, që konsiderohej bashkëpunëtori më i afërt i Zhillës./VeriuInfo
