Real Madridi viziton Cadizin të dielën në atë që do të jetë përgatitja e mëtejshme për finalen e Ligës së Kampionëve, me La Liga Santander tashmë të përfunduar.
Pas stërvitjes të së shtunës, Carlo Ancelotti mbajti një konferencë për shtyp para ndeshjes për të diskutuar çështjet aktuale të ekipit të tij.
Ndeshjet e mbetura të Madridit në ligë janë vetëm për statistika dhe italiani u pyet nëse do të dëshironte që finalja e Champions League të ishte tashmë ndeshja e radhës.
“Duhet të respektojmë kalendarin. Po bëjmë një punë të mirë për finalen. Lojtarët e dinë shumë mirë objektivin, si duhet ta arrijmë këtë objektiv: përkushtim, intensitet. Kjo vlen edhe për ndeshjen e nesërme”, tha ai.
Ancelotti theksoi disa nga lojtarët në skuadrën e tij që e kanë surprizuar.
“Nuk jam zhgënjyer nga asnjëri prej tyre, jam befasuar nga ata që i njihja më pak: Valverde, Rodrygo, Camavinga. Nuk u befasova nga Vinicius sepse ai e ka këtë talent, e ka treguar, tani është më i mirë në përfundim. Unë do të thosha Rodrygo, Camavinga dhe Valverde”, përfundoi trajneri italian.
