Anëtari i KQZ-së nga radhët e PDK-së Ilir Gashi ka thënë se e vetmja mënyrë për ta kthyer integritetin e procesit zgjedhor dhe besimin e qytetarëve është që Mitrovica edhe njëherë të shkojë në zgjedhje të reja.
“Në sot mendojmë që ky proces duhet të bie edhe në duart e organeve të drejtësisë për faktin se nga këtu kemi vënë re se kemi defekt serioz të fletëvotimeve të cilat e kanë rrënuar besimin e opinionin publik të procesit zgjedhor. Konsiderojmë që e vetmja mënyrë për të rikthyer procesin në binar dhe rikthimin e besimit të qytetarëve në procesin zgjedhor dhe për të i dhënë integritet dhe besueshmëri është rikthimi edhe njëherë te qytetarit, që nënkupton rivotim të ri, shkuarja prapë në zgjedhje në këtë komunë”, tha Gashi.
Ai ka thënë se ky proces është i rrënuar plotësisht.
“Duhej të rikthehej prapë. Nuk është çështja e numrave edhe sa fletëvotimeve, është çështja e problemit i cili ka zbehur vullnetin e qytetarëve. Është një rëndim i integritetit të procesit zgjedhor. Unë s’po flas në emër të prokurorisë dhe organeve të cilat do të dalin me qëndrimet e tyre. Po flas si anëtar i KQZ-së që e ka parë si ka shku gjithë procesi”, tha ai.
Ai ka thënë se në shumë vendvotime në Mitrovicë të Jugut ka pasë defekte të cilat kanë rënë ndesh me rregulloren e Komisionit Qendror të Zgjedhjeve.
“Është pak e rëndësishme se çka themi ne, për faktin se është me rendësi se çka mendojnë qytetarët jashtë kësaj salle, opinion publik mendon që është i dëmtuar. Pothasje në shumë vendvotime ka defekte të tilla të cilat bien ndesh me rregulloren e KQZ për rrjedhojë ne do të bëjmë një analizë një komision hetimor, PDK ka bërë një ankesë në PZAP për të ndjekur të gjitha rrugët ligjore në mënyrë që ta rikthejë atë çka është e vërteta dhe besueshmërinë e qytetarëve. Ne si KQZ kjo i takon më shumë kryetari i komisionit, besoj që sot do të kemi mbledhje të KQZ për këtë problematikë, qoftë edhe një votë e qytetarëve të keqpërdoret do të duhet që ai besim të rikthehet prapë. Do të duhej që të rikthehet prapë nuk është çështje e numrave është çështja e problemit I cili ka zbehë vullnetin e qytetarëve. Nuk po flas në emër të prokurorisë as organet e drejtësisë po flas si anëtari KQZ-së”, theksoi ai nga QKN.
