Lajmi për dorëheqjen e Ramush Haradinajt nga kreu i Aleancës për Ardhmërinë e Kosovës ka marrë vëmendjen kryesore të opinionit publik.
Pas këtij vendimi, ka ardhur edhe reagimi i parë nga bashkëshortja e tij, Anita Muçaj-Haradinaj, e cila përmes një mesazhi plot ndjenjë ka shprehur mbështetjen e saj të pakursyer.
Në një postim në rrjetet sociale, Anita ka theksuar se për të nuk ka titull më të lartë sesa të jetë krah tij si bashkëshortja e tij dhe nëna e tre fëmijëve të tyre. “Ti je një lider dhe strateg që në komb lind një herë në 100 vjet,” ka shkruar ajo, duke vlerësuar kontributin e gjatë të Ramushit në skenën politike të Kosovës.
Anita u shpreh se përgjatë viteve kanë udhëtuar së bashku në shumë dimensione dhe sfida, por tani duket se ka ardhur koha për një kapitull të ri.
Duke e mbyllur mesazhin me fjalët “Kosova të do, por unë të dua edhe më shumë”, ajo nuk e fshehu lumturinë që tani e tutje do ta ketë bashkëshortin më pranë familjes, duke shkruar: “Më në fund e fitova burrin tim.”
