Arbër Shehu, shqiptari nga Kosova nga 28 nëntori do të jetë drejtor për Onkologji në kompaninë farmaceutike dhe bioteknologjike britaniko-suedeze, AstraZeneca.
Shehu në emisionin “Oxygen” në Klan Kosova tregoi se ishte vetë kompania ajo që i ka shprehur interesimin për shërbimet e tij.
“Njëra prej tyre ka qenë si drejtor në AstraZeneca për Onkologji, për marrëdhënie mjekësore.Ka qenë një periudhë e gjatë e rekrutimit, mirëpo prej 28 nëntorit i kam thënë se do të jem drejtor në AstraZeneca për Onkologji”, është shprehur Shehu, njofton Klankosova.tv.
Tutje, ai tregoi edhe për atë se vendimet e tij i merr në bazë të intuitës.
“Ajo ndoshta si rezultat që dikush lexon, dikush ka eksperienca, dikush jetësore, dikush e ka babain që i tregon, unë s’e kam pasur fatin ta kem por unë e kam pasur fatin t’i kem dajallarët në Amerikë dhe prej fillimit ata kanë qenë baza që ma kanë dhënë atë shijen e Amerikës”, është shprehur Shehu.
Kujtojmë se kompania AstraZeneca është njëra nga kompanitë farmaceutike që e ka prodhuar njërën nga vaksinat më të suksesshme në botë kundër virusit COVID-19.
