Sot është nënshkruar marrëveshja e bashkëpunimit për zgjedhjet lokale mes kandidatit për kryetar, Arian Tahiri dhe krywtarit të AKR-së, Gjergj Beka.
Në prani të kryesueses së Kuvendit, Vesa Broja, u nënshkrua bashkëpunimi me të cilin AKR do ta mbështesë kandidaturën e Arian Tahirit për kryetar të Mitrovicës.
Ndryshe, edhe kandidati tjetër nga Guxo ka marrë mbështetje për kandidaturën e tij nga VV dhe Alternativa.
Postimi plotë nga Tahiri:
Kur zhvillimi i Mitrovicës është qëllim, bashkëpunimi bëhet obligim moral e politik. Sot me AKR-në e nënshkruam marrëveshjen e koalicionit politik për mandatin e ardhshëm. Ky bashkim dhe ky bashkëpunim është në shërbim të Mitrovicës dhe do të jetë në shërbim të çdo qytetari dhe çdo gjenerate.
Gjergjin, strukturat e AKR-së, votuesit dhe qytetarët e Mitrovicës, i falënderoj për besimin e tyre dhe i garantoj se me dashurinë e madhe që kemi për qytetin, do të përkushtohemi dhe do të punojmë për çdo qyetar, çdo lagje e fshat të komunës sonë!
Për ty gjithmonë, Mitrovicë!
