Kandidati i PDK-së për kryetar të Mitrovicës, Arian Tahiri ka hapur sot fushatën zgjedhore në Mitrovicë me një tubim ku ka prezantuar vizionin e tij për qeverisjen e ardhshme 4 vjeçare.
Tahiri ka kërkuar nga mitrovicasit ta bëjnë këtë rrugëtim së bashku në mandatin e ardhshëm, duke i shërbyer Mitrovicës.
Postimi i Arian Tahiri:
Sonte e hapa edhe zemrën për Mitrovicën, jo vetëm fushatën. Le ta bëjmë këtë rrugëtim bashkë, jo thjesht si kandidat dhe votues, por si bij dhe bija të të njëjtit qytet. Le të ecim krah për krah, me përulësinë dhe besnikërinë e atyre që nuk lodhen kurrë, duke i shërbyer qytetit të vet.
Unë vij të bashkoj. Vij të dëgjoj secilin. Ta mbështes secilin. Ta respektoj secilin, pa dallim moshe, lagjeje, bindjeje apo gjendjeje. Sepse, për mua, çdo qytetar i Mitrovicës është një pasqyrë e së vërtetës që dua ta përfaqësoj.
Besoni tek unë, ashtu siç unë besoj te Mitrovica dhe te secili prej jush.
#PDK191 #PerTyGjithmoneMitrovice
