Ai theksoi se angazhimi në politikë për të është një mision personal dhe shpirtëror, i lidhur me ambicie, përkushtim dhe përgjegjësi afatgjate.
“Profili im është me energjinë, me guximin me dëshirën, me entuziazmin që me e mbrojtë PDK, me përfaqësu PDK, me i përfaqësu qytetarët e Kosovës, sot e 30 vite pas, për shkak se unë jam në politike dhe kam ambicie e energji por edhe dedikim e mision shpirtëror personal që angazhimin tim për 30 vitet e ardhshme. Kjo është për shkak të moshës, i lutem zotit me pas shëndetin e vullnetin e me qenë afër e bashkërisht me qytetarët gjithandaj Kosovës”, u shpreh ai.
Tahiri vlerësoi mbështetjen e dhënë nga qytetarët si një investim jo vetëm për të tashmen, por edhe për të ardhmen, duke theksuar rëndësinë e fuqizimit të një gjenerate të re brenda PDK-së.
“Është votë edhe për të sotmen edhe për të nesrmen, është edhe si investim. E marrë si investim me e mbështet, me formësu me ia dhënë fuqinë një gjenerate të re, në këtë rast një djali të ri që mundet me kontribu për PDK por edhe për shtetin e Kosovës”, vlerësoi ai.
Duke folur për grupin parlamentar, Tahiri tha se lista e PDK-së ka pasur cilësi dhe figura me kontribut, duke shtuar se do të ishte mirë që partia të kishte siguruar 35 ose 36 deputetë.
Megjithatë, ai theksoi se fokusi tani duhet të jetë te 22 deputetët e zgjedhur, të cilët do të angazhohen për përfaqësim dhe opozitarizëm të dinjitetshëm dhe të guximshëm.
“Është një grup shumë i mirë, ka personalitete e figura që kanë kontribu në të gjitha aspektet në të kaluarën, por edhe sot edhe në aspektin gjeografik, edhe në aspketin e profesioneve, e profileve kish me qenë mirë vec të kishim qenë 35 ose 36 vetë sepse ka pas në listen e PDK-së kualitet të mjaftueshëm që kishin mujtë me kontribu por tash ne duhet me u fokusu te 22-shi që jem, pra secili prej nesh e ka edhe entuziazmin, dëshirën edhe nivelin e përgjegjësisë në nivel makismal për me bë maksimumin në përfaqësim dhe me pas opozitarizëm të dinjitetshëm, të ndershëm dhe të guximshëm”, përfundoi ai për GazetaBlic.
