Avokati Arianit Koci ka dalë me një apel për qytetarët kosovarë që kalojnë nëpër Serbi të kenë kujdes.
“Sot, një çift kosovar u ndalua në hyrje të Serbisë dhe u kontrollua detajisht. Pasi nuk e kanë deklaruar pajën e nuses (stoli ari), e cila kishte vlerë mbi kufirin e lejuar, janë mbajtur dhe ari është konfiskuar deri në vendim të gjykatës. Nesër do të paraqitën para gjykatës serbe, e cila e ka kompetencë territoriale kufirin ku janë ndalur”, shkroi Koci.
Postimi i plotë:
Kontrollat në kufi janë shtuar ndjeshëm.
Çdo udhëtar që mban me vete më shumë se 10.000 € për person – në para të gatshme ose sende me vlerë – duhet ta deklarojë në hyrje të Serbisë (lexoni me kujdes udhëzimet për paratë dhe gjërat me vlerë, të vendosura në hyrje dhe dalje të pikave kufitare).
Mosdeklarimi sjell konfiskimin e përkohshëm të shumës ose sendeve dhe hapjen e procedurave gjyqësore.
Nëse disa raste, kërkohet të dëshmohet prejardhja e parave ose paraqitja e faturave të sendeve me vlerë.
———
Sot, një çift kosovar u ndalua në hyrje të Serbisë dhe u kontrollua detajisht.
Pasi nuk e kanë deklaruar pajën e nuses (stoli ari), e cila kishte vlerë mbi kufirin e lejuar, janë mbajtur dhe ari është konfiskuar deri në vendim të gjykatës.
Nesër do të paraqitën para gjykatës serbe, e cila e ka kompetencë territoriale kufirin ku janë ndalur.
P.S.
Si zakonisht, unë po merrem me qytetarin tone- po e këshilloj e po e ndihmoj, aq sa kam mundësi.
