Dy shtetas të Hungarisë janë arrestuar në qytetin e Tuzlës, nën dyshimin se janë përfshirë në aktivitete kundërzbulimi që cenojnë sigurinë kombëtare të Bosnjë-Hercegovinës, raportojnë burime të mirëinformuara për “Vijesti.ba”.
Arrestimi është kryer nga pjesëtarë të Drejtorisë së Policisë të Ministrisë së Punëve të Brendshme të Kantonit të Tuzlës (MUP TK). Pas ndalimit dhe marrjes në pyetje, të dy personat janë dorëzuar në kompetencë të Qendrës Territoriale të Shërbimit për Çështjet e të Huajve të Bosnjë-Hercegovinës.
Për këtë rast është njoftuar edhe Prokuroria Kantonalë, ndërsa në aksionin e arrestimit kanë marrë pjesë edhe shërbime të tjera të sigurisë nga Bosnja e Hercegovina.
Sipas informacioneve jozyrtare, njëri nga të arrestuarit është 73-vjeçari G. B., i cili gjatë viteve 1975–1979 ka shërbyer në Ushtrinë Popullore Hungareze si pjesë e personelit profesionist ushtarak.
Pas kësaj periudhe, ai është transferuar në Ministrinë e Punëve të Brendshme të Hungarisë, fillimisht në Departamentin e Shërbimit të Kundërzbulimit Ushtarak, e më pas në Departamentin e Kundërzbulimit.
Aktualisht, ai është pronar i një agjencie private që merret me konsulencë sigurie dhe hetime private.
