Dy persona në Prishtinë janë arrestuar për falsifikim parash, njofton Veriu.Info.
Sipas njoftimit, tek të njejtit gjatë kontrollit në veturë me targa vendore janë gjetur 25 mijë euro.
Të dyshuari R.P., (viti i lindjes 1984, mashkull kosovar) dhe E.R., (viti i lindjes 1996, mashkull kosovar), dyshohet se kanë falsifikuar para, respektivisht janë marrë me vënien në qarkullim të parave të falsifikuara apo parave të vjedhura/grabitura nga ndonjë institucion bankar (para me ngjyrë). Te të njëjtit, gjatë kontrollit të veturës me targa vendore, me të cilën udhëtonin, janë gjetur para në vlerë 25.316 (njëzet e pesë mijë e treqind e gjashtëmbëdhjetë) € (të dyshuara si të falsifikuara, apo të vjedhura/grabitura nga ndonjë institucion bankar/financiar, pasi që parat ishin të bëra me ngjyrë), andaj personat e dyshuar janë arrestuar për procedura të mëtejme.
Rasti është inicuar si vepër penale ‘falsifikim i parasë’ dhe të dyshuarit janë dërguar për 48 orë në mbajtje.
