Arsenali raportohet se nuk është i përgatitur të shesë Granit Xhaka.
Mesfushori nga Kosova është njëri prej futbollistëve kryesorë te skuadra londineze këtë sezon, transmeton Express.
Xhaka ka qenë i pazëvendësueshëm në 11 ndeshjet e deritanishme në Premierligë, teksa ka shënuar 3 gola dhe ka regjistruar 3 asistime.
Pavarësisht se më parë ishte lidhur me një largim nga klubi vitin e kaluar, sipas “Calciomercato”, Arsenali nuk është i gatshëm të lejojë që 30-vjeçari të largohet në të ardhmen e afërt.
Roma tentoi të nënshkruante me reprezentuesin e Zvicrës më herët, por “Topçinjtë” e refuzuan ofertën e tyre në fund.
Së fundmi u përfol gjithashtu që edhe Juventusi ishte i interesuar për ish-mesfushorin e Borussia Monchengladbachit.
Granit Xhaka ka kontratë të vlefshme me Arsenalin deri më 30 qershor 2024.
Në marrëveshje ekziston opsioni për zgjatje të bashkëpunimit edhe për një sezon më shumë.
