Zgjedhjet e fundit parlamentare kanë sjellë në përbërjen e Kuvendit, përveç figurave politike, edhe personalitete të njohura nga arti dhe skena shqiptare, të cilët kanë arritur të fitojnë besimin e qytetarëve dhe mandatin e deputetit.
Përmes Lëvizjes Vetëvendosje (VV), Edona Llalloshi ka siguruar një ulëse në Kuvend.
Ndërsa nga radhët e Lidhjes Demokratike të Kosovës (LDK), mandat deputeti ka fituar Adelina Thaçi Meta, duke iu shtuar listës së emrave të artit që tashmë janë pjesë e legjislativit.
Po ashtu, aktorja e njohur Adriana Matoshi, e cila edhe më parë ka qenë deputete, ka arritur të rizgjidhet nga radhët e Lëvizjes Vetëvendosje (VV), duke vazhduar kështu angazhimin e saj në jetën politike.
