Pa dyshim, njëri ndër pretendentët më kualitativ për një ulëse në Asamblenë Komunale është Isa Fejzullahu nga LDK-ja, i cili garon me numrin një të kësaj partie. Fejzullahu pas vetes ka një bagazh të gjatë në veprimtarinë kombëtare, politike dhe mediale, ndërsa në opinionin e këtushëm shquhet për vendosmërinë në parime dhe integritetin e tij publik.
Si kryetar i Degës së LDK-së, ai ka dhënë kontribut të çmuar në jetën politike të Skenderajt. Gjithashtu, në mandatin e tij të mëparshëm si asambleist, Fejzullahu ka qenë një ndër këshilltarët më të zëshëm në mbrojtjen e interesave të qytetarëve, duke dëshmuar me punë dhe fjalë se politika duhet të jetë në shërbim të njerëzve.
Isa Fejzullahu mbetet një zë i fortë, një vizion i qartë dhe një përfaqësues i denjë i qytetarëve të Skenderajt.
