Edhe 25 vite pas luftës, çështja e ndërtimeve pa leje (ilegale) në Kosovë vazhdon të mbetet problem serioz, duke bërë që pastaj të ketë problem me legalizim të pronave.
Lexues të Veriu.info sot kanë raportuar në redaksi se në lagjjen Ilirida të Mitrovicës ka nisur ndërtimi i një objekti banesor pa leje nga kompania “Aurora Group”.
Në foto shihet se si në një parcel në rrugën ‘Çamëria’ në Iliridë të Mitrovicës po punohet në gërryerje të themelit për nisjen e një objekti banesor.
Se a ka leje kompania, Veriu.info ka kontaktuar drejtorinë e Urbanizmit të Komunës së Mitrovicës, të cilët kanë konfirmuar se “Aurora Group” akoma nuk është pajisur me leje ndërtimore për ndërtimin e objektit banesor në këtë parcelë.
Veriu.info ka vazhduar hulumtimin e rastit, duke kontaktuar shefin e sektorit të ndërtimit në Drejtorinë e Inspeksionit në Komunën e Mitrovicës, Vehbi Ahmeti, për ta pyetur në lidhje me veprimet ligjore që janë ndërmarrë ndaj “Aurora Group” me nisjen e ndërtimit pa leje.
“”Në orën 11:00 kemi dal në terren dhe i kemi ndërprerë punimet, pasi që nuk ka leje ndërtimi”, ka thënë Vehbi Ahmeti për Veriu.info.
Kur është pyetur nga gazetarja e Veriu.info pse kompania po vazhdon punën edhe pas ndërprerjes së punimeve, kryeinspektori i ndërtimit ka thënë që nëse keni dëshmi për këtë do të veprohet menjëherë, me ç’rast gazetarja e Veriu.info i ka dërguar fotot e bëra rreth orës 13:30 ku shihet një kamion duke hyrë në vendpunishte, duke i bërë me dije isnpektorit Ahmeti se në vendpunishte nuk ka shirita të vendosur nga inspektorët e Drejtorisë së Inspeksionit, ani pse thotë se i janë ndërprerë punimet.
Përveç nisjes së ndërtimit pa leje, shihet se si kompania gjatë kryerjes së punimeve ilegale ka bërë ndotje të madhe të rrugës me baltë.
