Njësia Rajonale e Trafikut në Prishtinë ka ndërmarrë veprime të menjëhershme pas publikimit të një videoje shqetësuese në të cilën shihej një autobus duke lëvizur në kahen e kundërt të rrugës, duke rrezikuar drejtpërdrejt sigurinë e pjesëmarrësve në komunikacion.
Pas verifikimit të pamjeve dhe identifikimit të kundërvajtësit, autoritetet kanë shqiptuar gjobën përkatëse në përputhje me dispozitat ligjore të trafikut rrugor. Po ashtu, është plotësuar edhe fletëparaqitja për procedurat e mëtejme ligjore.
