Haziri u shpreh se përpjekjet për të diskutuar rreth Autostradës së Gjilanit janë minimizuar, duke e cilësuar këtë si një problem të qeverisë. “Kjo është problem,” tha ai, duke shtuar se qeveria po i referohet projekteve si “projekt i Lutës”, duke nënkuptuar se ka një mungesë angazhimi nga ana e tyre.

Ai përmendi se qeveria ka prolonguar tri projekte të tjera dhe i filloi ato më 1 tetor, duke kritikuar ngadalësinë në procesin e zhvillimit. “Një punë që e kemi nis do të përfundohet, por jo me ju,” theksoi Haziri.

Në përfundim, ai theksoi se “Kosova e Gjilani meritojnë shumë më shumë dhe shumë më mirë”, duke bërë thirrje për angazhim të fuqishëm në realizimin e projekteve që do të përmirësonin jetën e qytetarëve të Gjilanit.

E plotë:

Bedati’ i ri në shehër të vjetër si Gjilani nuk kalon

Qenkan deklaruar edhe sot, përkundër që po përtojnë të flasin për Autostradën e Gjilanit se ‘kjo është problem’. Do t’ju thoja sërish se nuk është Autostrada e Gjilanit problem, por qeveria ka problem ta jetësojë sepse po iu referohen si “projekt i Lutës…”, sikur që i prolonguan edhe tri projekteve tjera e i filluan më 1 tetor.

‘Bedati’ i ri në shehër të vjetër si Gjilani nuk kalon. Veç vazhdoni të përtoni me gjetë arsyetime. Një punë që e kemi nis do të përfundohet, por jo me ju. Kosova e Gjilani meritojnë shumë më shumë dhe shumë më mirë!