Liridon Osmani nga Vushtrria u rrah brutalisht mëngjesin e sotëm në prani të vajzës së tij derisa po e dërgonte në kopsht.
Veriu.info ka realizuar një intervistë me viktimën ku përmend familjen Gërbeshi, konkretisht vëllezërit Gërbeshi, në mesin e tyre edhe Fatmir Gërbeshin për të cilin tha se është liruar nga burgu një ditë më parë, ku thotë se ashtu ka dëgjuar.
Ndaj kësaj deklarate ka reaguar avokati i Fatmir Gërbeshit, Skender Musa, i cili ka thënë se klineti i tij gjendet në masën e arrestit shtëpiak dhe është duke e respektuar në përpikmëri vendimin e gjykatës, raporton Gazeta Online Veriu.info.
Në reagimin e tij avokati Musa ka thënë se klienti i tij nuk ka komunikuar në telefon me asnjë person, e madje nuk ka marrë pjesë në asnjë ngatërresë.
Reagimi i plotë i avokatit Skender Musa:
Reagim:
Ne cilesine e avokatit mbrojtes te Fatmir Gerbeshit, reagoj ndaj intervistes te publikuar ne gazeten Veriu.info ku eshte paraqitur nje qytetar i cili ishte intervistuar ne Spitalin e Prishtines i cili permend ne mesin edhe te disa personave te tjere edhe te mbrojturin tim Fatmir Gerbeshi se kinse ka marre pjese ne rrahjen e tij.
I mbrojturi im Fatmir Gerbeshi gjendet ne masen e arrestit shtepiak ne fshatin Ropice, Komuna e Vushtrrise dhe eshte duke e respektuar vendimin e gjykates ne te gjitha pikat e dispozitivit te atij vendimi dhe nuk ka komunikuar me asnje person permes telefonit apo mjeteve tjera te komunikimit dhe ne menyre absolute nuk ka marre pjese ne asnje ngaterrese dhe gjate gjithe dites ka qendruar se bashku me familjen e tij ne shtepine e tij dhe nuk ka asnje informacion lidhur me rastin ne fjale.
Fatmir Gerbeshi ka qene bashkepunues ne rastin e tij ne organet e drejtesise, ka pranuar veprimet qe i ka kryer dhe jo vepren penale, eshte nje qytetar i ndershem, jo problematik, pronar i dy kompanive te suksesshme me seli ne Prishtinë dhe nuk eshte person qe kryen vepra te tilla por perkundrazi eshte person qe respekton rendin juridik e ne menyre te veçante vendimin e Gjykates Themelore ne Mitrovice lidhur me arrestin shtepiak dhe ne te njejten kohe ne emer tim dhe te mbrojturit tim shprehim keqardhje per rastin e ndodhur mirepo i mbrojturi im Fatmir Gerbeshi me ka siguruar se per asnje moment nuk ka dalur nga shtepia dhe i njejti ka shprehur vullnetin per respektimin e mases se arrestit shtepiak derisa gjykata te vendos ndryshe.
Me respekt, Av. Skender Musa!
