Avokati Ngadhnjim Rudi, i cili po mbron Vatan Qakën, një nga të dyshuarit për vrasjen e rreshterit të Policisë së Kosovës, Muhamed Lika , ka deklaruar se do të tërhiqet nga mbrojtja nëse klienti i tij rezulton i përfshirë në këtë rast.
“Unë kam kërkuar nga babai i tij që, nëse djali i tij është i përfshirë në këtë krim, unë nuk do ta mbroj. Kosova ka humbur një polic shumë të respektuar dhe punëtor”, ka thënë Rudi për emisionin “Kosova Today” në Klan Kosova.
Ai shtoi se Vatan Qaka është djali i një veterani të UÇK-së dhe se e ka informuar familjen se, në rast të përfshirjes së tij në ngjarje, do të heqë dorë nga autorizimi për përfaqësim ligjor.
Ndiqni deklaratën e plotë, në videon e mëposhtme:
