Supermarketi Interex në Mitrovicë është inspektuar nga inspektorët veterinar, të cilët kanë gjetur parregullësi në mënyrën e menaxhimit higjienik në sektorin e shitjes së mishit.
Këtë e ka konfirmuar për Veriu.info edhe zëdhënësi i AVUK-ut, Lamit Thaçi, i cili ka treguar se ndaj Interex është iniciuar fletparaqitje në gjykatë.
“Agjencia e Ushqimit dhe Veterinarise, zyra regjionale Mitrovicë, përmes inspektoratit veterinar ka inicuar fletëparaqitje për Gjykatë ndaj subjektit Interex në Mitrovicë, për shkak të mungesës së kushteve higjinike në sektorin e shitjes se mishit”, ka thënë zëdhënësi i AVUK, Lamir Thaçi.
Ai për Veriu.info ka bërë të ditur se subjekti Interex në Mitrovicë do të mbahet nën mbikëqyrje për përmirësim të kushteve sipas urdherësave të dhëna.
Veriu.info ka siguruar fotografi nga burime anonime të gjendjes higjienike në Interex të bëra gjatë momentit të inspektimit, ku shihet gjendje e rëndë higjienike, përfshirë edhe gjak nëpër dysheme.
