Javën e kaluar ka vazhduar gjykimi i Bedri Krasniqit e Alban Dezdarit të akuzuar për vrasjen e një polici të Kosovës dhe një polici të UNMIK-ut, vrasje e cila ka ndodhur më 23.3.2004në Podujevë. Në këtë seancë Alban Dezdari ka parashtruar pyetje për të akuzuarin tjetër, Bedri Krasniqi. Njëra nga pyetjet ishte për një koflikt fizik në Mitrovicë të ndodhur rreth rreth 20 vite më parë, raporton Veriu.info
Në pyetjen e të akuzuarin Alban Dizdari, se masi jena kthy në Mitrovicë a kena pas telashe, i akuzuar Bedri Krasniqi ka përmendur një konflikt fizik me Agron Sylejmanit dhe Bekim Shytit.
“Pasi që jena kthy në Mitrovicë në mes të Bekim Shytit dhe Agron Sylejmanit ka ndodh një konflikt, së pari verbal, atëherë ka qenë edhe fizik. Unë kam qenë diku 7-8 metra apo 10 larg me grupin tim, kur kanë fillu shokët e të dyve me u largu sepse u nxorën armët, unë kam ndërhy dhe ia kam kapur armën Agron Sylejmanit, pistoletën dhe i kam ndal. Pasi që Agron Sylejmani dhe Bekim Shyti kanë qenë shokë më herët, edhe Qerim Kelmendi ka qenë shok me ta, me të dytë, ka ardhë Qerim Kelmendi me i pajt. Aty më kanë thirr edhe mu. Qerim Kelmendi ka qenë me bashkëshorten dhe me Albanin. Por nuk ka ndodh pajtimi, Agron Sylejmani ka qenë i ashpër edhe me Qerim Kelmendin. Aty jena shpërnda, unë kam shku me njerëzit e mi për Pejë, Qerim kelmendi me Albanin dhe grun e vet edhe këta sigurisht ndoshta për Pejë kanë shku se nuk e di ku kanë shku prej aty”, ka thënë Bedri Krasniqi në seancën gjyqësore të mbajtur javën e kaluar.
Kush janë Bedri Krasniqi e Alban Dizdari?
Bedri Krasniqi, i dënuar për vrasjen e dy policëve të Kosovës: Sabahate Tolaj dhe Iusuf Haklaj më 2003, është i akuzuar nga Prokuroria Speciale e Kosovës edhe për vrasjen e dy policëve të tjerë një vit më vonë. Ai dyshohet të jetë i përfshirë në vrasjen e policit të UNMIK-ut, Possible Essuman dhe policit të Kosovës, Arsim Rrustolli, në Podujevë më 2004. Ai po ashtu kishte qenë në krye të grupit që kidnapuan pronarin e fabrikës “Gllareva”, Azem Morinën. Kjo ngjarje ndodhi më 2010 dhe për kidnapim, Krasniqi u dënua me 17 vjet burg, raporton Veriu.info
Alban Dizdari është i akuzuar për për përfshirje në vrasjen e policit të UNMIK-ut, Possible Essuman dhe policit të Kosovës, Arsim Rrustolli, në Podujevë më 2004, rast për të cilin më 9 nëntor 2007, me 30 vite burgim ishte dënuar Shkumbin Mehmeti.
Kush është Bekim Shyti?
Bekim Shyti ishte komandant i Njësisë Speciale të UÇK-së në brigadën 142 të Zonës Operative të Shalës me shtab në Oshlan të Vushtrrisë. Ai kishte lënë Zvicrën për t’iu bashkuar radhëve të UÇK-së, ku edhe në verën e vitit 1998 iu kishte prirë ushtarëve të UÇK-së gjatë shkuarjes për të marrë armë në Shqipëri. Bekim Shyti me njësinë e tij Speciale ka zhvilluar shumë aksione të suksesshme ushtarake kundër forcave pushtuese serbe në territorin e Mitrovicës dhe Vushtrrisë. Pas luftës ai iu është kthyer jetës private./Veriu.info
