Shefja e Grupit Parlamentar të Lidhjes Demokratike të Kosovës, Hykmete Bajrami, njoftoi të ketë pritur në takim deputetë të Bundestagut gjerman, me të cilët, mes tjerash, tha të ketë folur edhe për nevojën “urgjente” të heqjes së sanskioneve ndaj Kosovës të vendosur nga Bashkimi Evropian.
Postimi i Bajramit:
Në cilësinë e kryetarës së Grupit Parlamentar të LDK-së, sot pata kënaqësinë të takoj deputetët e Bundestagut gjerman, z. Tilman Kuban dhe z. David Preisendanz. Biseduam hapur për situatën politike në Kosovë, qëndrimet e LDK-së si dhe forcimin e bashkëpunimit mes Kosovës dhe Gjermanisë.
Falënderova deputetët për mbështetjen e Gjermanisë ndaj Kosovës dhe shpreha rëndësinë e bashkëpunimit të ngushtë mes LDK-së dhe CDU-së. Folëm për nevojën urgjente të heqjes së masave ndëshkuese të BE-së ndaj Kosovës dhe rolin e Gjermanidë në këtë proces.
Diskutuam gjithashtu për rëndësinë e shfrytëzimit të fondeve të Planit të Rritjes, si dhe rëndësinë e anëtarësimit të Kosovës në Këshillin e Evropës dhe bashkëinimin tonë në rrugën euroatlantike.
