Kryetari i komunës së Suharekës Bali Muharremaj, para pak ditësh në profilin e tij zyrtare në rrjetin social Facebook postonte fotografi e video të shumta duke ndihmuar zjarrfikësit në komunën që menaxhon ai për të shuar zjarret e shumta që kishin goditur.
Por, prania e tij aty po del të ketë mbuluar dështimin e tij shumë të keq sa i përket shpenzimit të buxhetit për investime kapitale, raporton Front Online, përcjell Veriu.info.
Bazuar në të dhënat zyrtare të Ministrisë së Financave shihet se nga buxheti prej 7,021,140 euro për investime kapitale, gjatë gjashtë muajve të parë të vitit 2025 janë shpenzuar vetëm 1,658,564 euro, që i bie rreth 24% e planit vjetor.
Kjo përqindje e ulët e realizimit të buxhetit për investime kapitale në këtë komunën ngre pikëpyetje mbi efikasitetin e menaxhimit komunal dhe mbi fatin e projekteve të planifikuara për infrastrukturë, arsim, shëndetësi dhe fusha të tjera.
E nëse ky trend i shpenzimit vazhdon edhe në pjesën e dytë të vitit, atëherë pjesa dërmuese e buxhetit për investime kapitale rezulton të mbetet vetëm në letër, e jo në realizim në praktikë, raporton Front Online
