Barcelona do të bëhet me stadium modern në fund të këtij viti.
Gjiganti katalunas është duke e rinovuar stadiumin ikonik “Camp Nou”, 60 për qind e kapacitetit të së cilit pritet të jetë i gatshëm pas disa muajsh.
E në vitin 2025 është paraparë të përfundojë krejt projekti, njoftojnë mediat spanjolle, përcjell “Gazeta Express”.
Gjiganti katalunas e ka prezantuar një fotografi përmes së cilës tregon se si do të duket stadiumi.
“Camp Nou i ri” do të ketë kapacitet prej 105 mijë ulësesh, ndërsa investimi e kap vlerën e 1,5 miliard eurove.
Camp Nou do të jetë njëri prej stadiumeve më moderne dhe më të bukur në Evropë, ndërsa do t’i zë 18 hektarë hapësirë. /Gazeta Express/
