Agim Veliu është padyshim njëri nga emrat më të përfolur në procesin e ristrukturimit të LDK-së pas humbjes së thellë të kësaj partie më 2021.
Kjo pas ardhjes në krye të LDK-së të Lumir Abdixhikut që vendosi fillimisht ta largojë nga drejtimi i degës në Podujevë pas humbjes së partisë atje përballë Vetëvendosjes. Veriu.info kishte raportuar në tetor të vitit të kaluar se Lumir Abdixhiku do ta linte Agim Veliun jashtë listës për deputet.
Kjo ngjali reagime të shumta, por kur erdhi momenti raportimi i Veriu.info doli i saktë, pasi Veliu nuk ishte pjesë e listës për deputet nga LDK për zgjedhjet e 9 shkurtit.
Por a ndikoi ky vendim i LDK-së në rezultatin e saj në Podujevë? Ose të shkojmë më tutje si doli LDK me rezultat zgjedhor në fshatin e Agim Veliut, e si doli në fshatin e kryetarit aktual të LDK-së në Podujevë Ekrem Hyseni?
Nga të dhënat e publikuara nga Komisioni Qendror Zgjedhor shihet se Lidhja Demokratike e Kosovës ka humbur në të dy fshatrat, edhe në Bradash të Agim Veliut edhe në Batllavë të Ekrem Hysenit.
Por cili ishte më i suksesshëm në fshatin e tij? LDK fitoi 33.93% të votave në fshatin e Agim Veliut në Bradash derisa në fshatin e Ekrem Hysenit, në Batllavë, fitoi 32.05%.
Pavarësisht se Lumir Abdixhiku “eliminoi” nga partia njërën nga figurat kryesore, Agim Veliun, për ta sjellur Ekrem Hysenin në krye të partisë në Podujevë, kjo në fund nuk i doli i suksesshëm sic shihet edhe nga rezultatet, ku fshati I Veliut del të ketë votuar në % më shumë LDK-në se sa fshati i Ekrem Hysenit, kryetar aktual i degës.
Interesante është edhe vota për PDK-në në Bradash e Batllavë. Në fshatin e Agim Veliut PDK mori 15.37% të votave derisa në fshatin e Ekrem Hysenit mori 12.62% të votave.
