Artan Behrami, deputet i Partisë Demokratike të Kosovës, përmes një postimi në Facebook, ka thënë se insistimi nga ana e Lëvizjes Vetëvendosje në kandidaturën e Albulena Haxhiut për kryetare të kuvendit, është degradim edhe për Kosovën edhe për këtë parti.
Behrami ka thënë edhe se, VV-ja, nga një figurë si e Glauk Konjufca që ‘’ gëzon deri diku mbështetje popullore’’, po insiston në një në një figurë përçarëse dhe izolacioniste.
‘‘Insistimi për Albulena Haxhiun nuk është degradim vetëm për Kosovën, por edhe për vetë VV-në.
Paramendo, nga një figurë si Glauk Konjufca, që gëzon deri diku mbështetje popullore, të një pjese të opozitës dhe shoqërisë civile, VV-ja insiston në një figurë përçarëse dhe izolacioniste, siç është Albulena.
Çfarë degradimi!’’, ka shkruar ai./Express
