Gazetari i njohur, Ben Jacobs, ka thënë se Jorge Mendes ia ka ofruar Barcelonës nënshkrimin me Cristiano Ronaldon, para se “blaugranat” të nënshkruanin me Robert Lewandowskin.
“Blaugranat” tashmë e kanë zgjidhur problemin me pjesën ofanzive, mirëpo, sikur të dështonte “pista” me polakun, portugezi mund ta vishte fanellën e katalunasve.
Pesë herë fituesi i “Topit të Artë” po e kërkon me urgjencë një skuadër të re, pasi nuk e ka ndërmend ta vijojë qëndrimin e tij te Manchester United.
Për këtë janë duke u shqyrtuar shumë mundësi si destinacion potencial i tij.
Barça tashmë nuk është e interesuar për të, por si alternativa që duhet shqyrtuar janë Roma, Napoli dhe Chelsea.
